Denne en de tillefoonreis

De smartphone was kapot, net een joar oald. Ben.nl gaf mie een link woar ik gegevens kon invullen vöar opsturen. Doar bleek ik een tientie vöar halen en brengen te mutten betalen, dus vreug ik Ben of det gin gekke garantie-biekomstigheid was.

Döar Denne

Ik proat met Ben via Twitter, want dan bent ze bange vöar openbaarheid dus giet de interactie sneller. Ik kreeg terugge det ik de tillefoon wel in ‘de bundel’ hebbe, mar det ik vermoedelijk het toestel bie BelSimpel an’eschaft hebbe.

Bie BelSimpel sturen ze mie een link woar ik de gegevens kon invullen. Toen ik doarmee kloar was, zei de computer det ze mien vroag in behandeling namen en twee seconden later kreeg ik een reactie det het ollemoal kloppen. Zie schakelen een dienst in öm mien tillefoon op te halen en zie gaven mie een link woar ik mien gegevens op in kon vullen.

Mos ik op een andere site wear alles invullen. En al die kearen vreu’ng ze wat er dan met de tillefoon was. Ik kon steeds kiezen uut tien opties. Mar die van mie zat er iedere kear niet bie. Dus typen ik bie ‘overig’ mien verhaal oaver een oaververhit toestel.

Wear op een andere site kon ik een ofspraak maken oaver wannear ze de tillefoon op konn’ komm’ halen (woar ik ok alle info wear ik mos vullen). Een dag later zollen ze tussen 8 en 10 langs komm.

Die dag later krieg ik een mail van Samsung en een SMS van Dynalogic det ze d’r oaver twintig minuten bent. En tien minuten later giet mien reserve-tillefoon twee kear oaver, mar de verbinding was verbrökken toen ik ‘m anpakken. Een half uur later krieg ik een mail van Samsung en een SMS van Dynalogic det d’r niemand thuus was, of ik de tillefoon opnieuw wolle anbieden.

Via SMS en mail heb ik an’egeem det hullie dit probleem better op ko’nn lossen, woarnoa iemand namens Samsung opbellen of ze een dag later asnog de smartphone ko’nn ophalen. Tuurlijk, mar zeg d’r dan eam bie det mien adres niet in TomTom’s stiet.

Dus een dag later kreeg ik wear mail en SMS det de ophaaldienst oaver twintig minuten bie mie was en ging tien minuten later de tillefoon wear. Dit kear kreeg ik de chauffeur an de lijn zodet ik hem noar precies mien vöardöare kon navigearen.

De tillefoon is noe ergens in de wereld bie een reperateur. Benieuwd of ik die ooit nog terugge zie.

Het bericht Denne en de tillefoonreis verscheen eerst op Opinie in Salland.


Het hele artikel is te lezen op www.Salland1.nl

Over Salland TV

x

Check Also

Theater a/d Rijn presenteert nieuwste generatie choreografen in MIMIK, Deventer

VIER x VIER toont vier korte dansperformances, los van het gebaande pad ...